منتديات تندلتي
عزيزنا الزائر انت لم تقم بالتسجيل بعد

الادارة
منتديات تندلتي

مرحباً بك يا زائر في منتديات تندلتي
 
الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  المجموعاتالمجموعات  التسجيلالتسجيل  دخول  
وللاوطان في دم كل حر يد سلفت ودين مستحق تندلتي تنادي ابناءها
http://www.facebook.com/group.php?gid=108851935806442&ref=ts مجموعة تندلتي علي الفيس بوك

شاطر | 
 

 الاسطورة عثمان حسين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عيسى مهدي
عضو فعال
عضو فعال


عدد المساهمات : 48
نقاط : 131
تاريخ التسجيل : 20/09/2009
العمر : 42
الموقع : الخرطوم

مُساهمةموضوع: الاسطورة عثمان حسين   الأحد ديسمبر 06, 2009 7:53 am

كانت لنا أيام .......

في قلبي ذكراها
ما زلت أطراها
يا ليتنا عدنا .. أو عادت الأيام

إن أنسى ما أنسى
ذكراك يا سلمى
في وكرنا المهجور
والصمت قد عم
تحلو لنا الشكوى
والحب والنجوى
لن أنسى نجواكي
والهمسة والبسمة
وحرارة الأنفاس
في قبلتي لما
ضمتك يمنايا
يا سعد دنياي
وغفوتي في صدري
نشوانة بالأحلام

كيف أنسى أيامي
وفكرتي الكبرى
يا وحي إلهامي
أنا عمت بالذكرى
ذكرى لياليكي
في خدر واديكي
الليل أهواه
في شعرك الناعم
لكن تباعدنا
دهرا وما عدنا
للوكر يا سلمى
أو عادت الأيام
أو عادت الأيام

........حبيبى ليه .....

قلبي فاكرك كنت ليه . . خالي قلبك وما عليه
عهدي بيكا أشكى ليكا وتواسيني في الامى
غيروك بدلوك عن حنيني يا غرامي
لا بقيت تسأل عليا . . لابتقول واحشاك عينيا
لو تسرك حالتي ديّا أو عذابي يا حبيبي أنا راضي بيه

كل كلمة أي لمحة من حياتي انت فيها
في كلامي في ابتسامي في آلامي البشتهيها
في نضاري واخضراري
ياربيعي وازدهاري
يا مدلل يا غرامي
ياحبيبي انت داري بالعذاب الأنا فيه

انت ليّا نور عينيّا في الليالي تضوي ليّا
امنياتى ذكرياتي في خيالي لسه حيّه
لو نسيت اشواقى ليكا
لو شبابي هان عليكا
قلبي لسه املو فيكا
راجي لو تعطف عليه
......لا تسلني........

لا تَسلْ عَني لياليَّ حبيبي لا تَسلْ
لا تَسلهَا فَهي حلمٌ عابرٌ طاف بِذهنِي
لا تسلهَا كمْ تَعانقنا عَلى رِقة لحنِ
و قَضينا الليلة الأولى حديثاً وَ تَمنِي

لا تَسلْ عني لياليّ فقدْ بِتنَا حُطاما
كم حَرَقناها شُعوراً وأماني و غرامَا
و سَلِ الشاطئ لمَّا كنت ألقَاكَ دواما
و نُذيبُ الليلَ هَمساً و عِناقاً و ملاما

يا حبيبي أنت ألهَمتَ أغانيَّ و جَرسي
أنت في وحشة أيامي ندى أَورَق أُنسِي
أنت في عُمري ربيعاً دافئاً يملأ نفسي
أفلا عُدت و عادت قصة الحُبِ كأمسِ

.......خاطرك الغالى .......

دائما أطيب خاطرك الغالى واسامحك لو نسيت

ودعت من يهواك وقلبه بقربك مهما نسيت ....

كم حاول يفرق بينا حاسدا او عزول ..........

كم مره قالوا جنيت عليه بدلت ضوء ايامه ليل

لكنى يا نور العذراى انا ما بضيع حبى قول ..

تلقانى دايما في رجاك وغناى في حبك رسول

اسال عليك الليل ونجمه وحتى انوار الصباح

وكل طائر في سماه اسال مشاعر عن هوانا

وليه حنانك لى راح .......

تلقانى في غاية الألم آمالى تزروها الرياح

حيران اسال نفسى ايه كان السبب واصل الخصام

يمكن اكون في حقك اتلومت في ساعة مـــــلام

لكن ما معقول يكون انا قلبى ليك حفظ الفراق

ما اظنه من يعرف الهوى يعرف عدوه مع السلام

.......حبيب الروح .....

لو قلتو حبيبي سلاني
ودع حبه ونساني
ما بصدقكم
ده حبيبي الروح بالروح
أنا عارف حبه إلي
داري بعطفه علي
نساني غرامي البيا
قاسمني الليالي الهنية
ضم الفؤاد ذكراها
أزكى الخيال معناها
ولو قلتو حبيبي سلاني
ما بصدقكم
غرامنا أسمى غرام
ما بطوله أي حسود
زايد مع الأيام
وتصونه أغلى عهود
حبيبي العهود راعيها
مهما الزمن طال بيها
لو قلتو لي نا سيها
مابصدقكم
خلاص اتجمعوا القلبين
خلاص اتوحدوا الأملين
وأصبحنا رغم البين
روح واحدة في جسدين
مهما تقولوا ظلمني
مهما تقولوا هجرني
لو باع لحبي خدعني
ما بصدقكم
ده حبيبي الروح بالروح


.........اللقاء الأول ........

يا حبيبي أقبل الليل علينا
وضفاف النيل قد أصغت علينا
وحباب الكأس ذابت في يدينا
وارتشفناها تباعا فارتوينا
يا حبيبي قلت لي
في اللقاء الأول
بين همس السنبل
وخرير الجدول
في المساء المقبل
سوف تلقاني ولكن ما ألتقينا
أقبل الليل وصمت الليل طالا
وضياء البدر في الأفق تلألأ
والربى أصغت حوالينا الظلالا
ثم ذاب الموج في الشط وسالا
قلت والكأس لديكا
ويدي في خصلتيكا
هاتها من وجنتيكا
وأسقني من كفتيكا
خمرة منها أرتوينا
يوم عدنا وألتقينا

أغنية الفراش الحاير

طاف الفراش الحاير
مشتاق الى زهراتك
حبيبي آه.... اناغاير
بخاف على وجناتك
حبيبي طرفي مسهد
أراك قريب وأتنهد
ومره فيك... أتشهد
أنا قلبي آمن ووحد
بجمال صفاك وصفاتك...
صدقني بس وحياتك

آمنت بيك يا ناير
لانو مافى مثالك
انا حكمي لو كان جاير
حكم سواى في جمالك
للناس عقول وبصائر
عن حكمي غاضب مالك
انت الجميل ومدلل
وأنا قلبي ليك اتذلل
وعيوني فيك تتأمل..
ثانية..... ما بتتحمل
لو جلست حيالك..شعوري ما بتمالك

بحبك

بحبك .. بحبك .. ما لا نهاية
واغنيك حنيني .. شوقي وهوايا
لأنك حبيبي .. وغاية رجايا

كتير في بعادك دهتني الليالي
أغالب دموعي .. واكابد ملالي
طريقي المنور .. خلاص اضحى خالي
تعال يا حبيبي .. صدودك كفاية

زرعنا المحنة .. رويناها شوقنا
وعايشين نأمل تقوم ترمي فوقنا
نسير في ضراها نسير لي شروقنا
نتوج حياتنا .. بأسعد نهاية

منامي المسهد .. يحل لعيونك
وشوقي المعذب .. يناشد حنينك
تحكم ضميرك .. وترحم ضنينك
فؤادي البحبك .. ما لا نهاية

ريدتنا

ريدتنا ومحبّتنا
وليالي هنانا
إن شاء الله ندوم
نتهنّى .. نتهنّى
ونعيش في صفانا

يا نعيم الروح سالمني
الشوق والريد كلّمني
عن أحلامنا
عن آمالنا
عن المستقبل القدّامنا
نبينهو ونحميهو
من حسّادنا
من عزّالنا

أفراحنا تهلّ في ربوعنا
أحبابنا يضوّوا شموعنا
في دنيانا
ما أحلانا
أرواحنا الهيمانة
تتلاقى مشتاقة
لي غرامنا
وهنا أيّامنا

يا حبيب يلاّك في طريقنا
زادنا الريد ورفيقنا
نمشي برانا
ما همّـــــانا
كل الحبّ الضمّـــانا
هادينا وحادينا
في رحلتنا
لآمالنا

انا مالي و الهوى

انا مالي والهوى
يا ربيعي ودنيا ازهاري
ووجدي ووحدتي وناري
اغني ليلي ونهاري
وفرحان بانشغال بالي

عيونو الحلوة الهامي
نعيمي وسعد ايامي
ملك صحوي واحلامي
واصبح حالي زي حالي

سالت عليه ما اتكلم
لا رد علي لا سلم
ظلمني جاني اتظلم
سلاني وقال انا الظالم

بكل جوارحي اهواهو
احب الدنيا لهواهو
افكر مرة انساهو
واعيد من تاني امالي

ناداني غرامك

ناداني غرمك ناداني
في ليالي البعد وحياني
يا شريكة روحي ووجداني

ناداني غرامك يا دنيا
املي وتغريدي و الحاني
رددت صداها في غنية
من شجني وهمي وحرماني

هاجتني تعلاتي اللقيا
وحنيني الدافق اضناني
اشكيك لمين
انا قلبي سجين
وهواك ضنين
زبلت في غيابك ازهاري
وبكت في رياضك اخياري
وخيالك لما ناداني
انت بالفرحة اشجاني
وشدى بجمالك قيثاري

وابيت يسامرني الدن
يكتمني السر واكتمه
يا سر حطامي
يا كاس مدامي
وعميق غيابي ماساتي
في دنياي هواي
وهواي في دنياك شظايا
ودعتي لياليا وامسي
وطفات امانيا وشمسي
وبقيتي في ايامي رواية
القبلة السكرى
كلمات : حسين بازرعة

أتذكرى فى الدجى الساجى ... مدار حديثنا العذب
وفوق العشب نستلقى .. فنطوى صفحة الغـــيب
وإذ مـــالاح نجم سعد .. نرشف خمـــرة الحـــب
اتذكرى عهد لقيـــانا .. ويوم القبــلة السكـــرى
وقبَّل ثقرى الظامى .. فقــــد لا تنفـــع الذكـــرى
وترقد فى يدى كالطفل .. الثم ثغرك العطـــــرى
وقطرات الندى الرقراق .. تعلو هامـــــة الزهد
والحان الهزار الطلــق .. فـــوق خمـــائل النهر
ولما ينقضى اللـــيل .. وينــعس ساقـــى الخمر
يرف الضوء كالحلم .. يسكــب خمـــرة الفجــــر
اتذكرى قبلتـــى والليـــل .. يــروى طلعـــة البدر
كيف اناملى الحيرى .. تداعب خصلة الشعـــر
وتنعس فى ظلال النور .. تحكم بالهوى العذرى
اتذكرى عهد لقيانا .. ويوم القبلـــة الســــكرى
وقبل ثغـرى الظامى .. فقد لا تنفــع الذكــــرى

عشرة الأيام

كلمات : عوض احمد الخليفة

عشرة الأيام ما بصح تنساها ...

كانه ما حبيتك وكأنه ما عشناها

وضمانا أحلى غرام .....

ليه تجفى دون اسباب ... من غير عتاب او لوم

اخترت غيري صحاب ... واصبحت قاسى ظلوم

هان ليك فراقى خلاص ... وانا برضى حولك احوم

كان عهدى بيك ترعاه ... واجمــل صلاتنا تدوم ...

آمـــــل المحبة ســـــلام ....

بعــدك أمانى هواى ... بعـــدك جنيته عــــدم

ولا عرفـــت صديق ... لقلبى غير الهــــم

كم غيرى يشدو سعيد ... وانا في هواك مغرم

ورينى ايه ضراك ... لو كان صبرت شوية

واسلم من الأوهـــــام

ما كان فراقنا المر ... في بيتى أو فى ايدي

لكن ظروفك أبت ... وقست ظروفي علي

واتلاشت الأحلام ... وين حسن ظنك بي

ورينى إيه ضراك ... لو كان صبرت شويه

عمر السنين أيام ......[/color][/size][/font]
الرجوع الى أعلى الصفحة اذهب الى الأسفل
http://hiato_74@hotmail.com
 
الاسطورة عثمان حسين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تندلتي :: قسم الترفيه :: منتدى الشعر والقصائد-
انتقل الى: