منتديات تندلتي
عزيزنا الزائر انت لم تقم بالتسجيل بعد

الادارة
منتديات تندلتي

مرحباً بك يا زائر في منتديات تندلتي
 
الرئيسيةالرئيسية  اليوميةاليومية  مكتبة الصورمكتبة الصور  بحـثبحـث  المجموعاتالمجموعات  التسجيلالتسجيل  دخول  
وللاوطان في دم كل حر يد سلفت ودين مستحق تندلتي تنادي ابناءها
http://www.facebook.com/group.php?gid=108851935806442&ref=ts مجموعة تندلتي علي الفيس بوك

شاطر | 
 

 الاستاز محمد ميرغى

اذهب الى الأسفل 
كاتب الموضوعرسالة
عيسى مهدي
عضو فعال
عضو فعال


عدد المساهمات : 48
نقاط : 131
تاريخ التسجيل : 20/09/2009
العمر : 42
الموقع : الخرطوم

مُساهمةموضوع: الاستاز محمد ميرغى   الثلاثاء ديسمبر 08, 2009 8:17 am

السنين
كلمات الفنان / الطيب عبد الله
======================================

قالوا لي أنساهو
وامسح من خيالك ذكرياتو
وانسى كل الماضي
وابعد عن طريقو وعن حياتو
فات وخلاك للزمن
ضاعت آمالك سداً
ليه تحن من تاني
ليه تفكر في صلاتو

*******
السنين العشت فيها معاك هنايا
أقوى من قول العوازل
واسمى من كلمة وشاية
لو خلاص قلبك نسى الأيام معايا
برضي راضي
في الغرام كم من ضحايا
بس تأكد يا حبيبي
إنو حبك في دمايا

******
بالأمل صبرت قلبي
وعشت في دنيا الأماني
أهدهد الشوق بين ضلوعي
واترجم الآلام أغاني
أروي للناس سر عذابي
واحكي ليهم ما شجاني
لا نفع دمعي السكبتو
ولا شفع عندك حناني


******

الغريب عن وطنو مهما طال غيابو
مصيرو يرجع تاني لي أهلو وصحابو
ينسى آلامو وشجونو
ينسى حرمانو وعذابو
إلا قلبي في هواك طال اغترابو


كلمات اغنية : ارض الحبيب

للشاعر : مبارك المغربي



يا أرض الحبيب .... كم لي فيك غرام

هابي علي طيب .... من ذكراك دوام

***
أطراك لو أبين ... كل صباح جديد

كم لي فيك شجون ... كل ما بقيت بعيد

حبك لي دين ..... قربك لي عيد

عاشقاك ما بخون.... غيرك ما بريد

وين زرق العيون .... للعينيه سود

***
كم لي فيك مراح ... يا أرض الحبيب

حنك لي لاح ... شفته قريب قريب

شفتو في نور الصباح.... شفتو في سر المغيب

شفتو و الغيد في الوشاح ... لاهية تلعب بالقلوب

شفتو في اللهو المباح .... شفتو في الشط الرحيب

****
يا مهد الجمال ... ما حبيت سواك

أيه بحر الشمال ... و انت النيل حداك

صافي يفيض زلال ... عندو جلس ملاك

في حسنه الهلال ... في سحرو الهلاك

شوقي اليكا طال ... قولي متين أراك


عد لينا ياليل الفرح
داو القليب الإنجرح
خليهو يفرح مره يوم
طول عمرو ناسيهو الفرح
¤¤¤
عد لينا ماتبكي العيون
الشاربه من بحر الخجل
عد لينا ماتعدد دروب
ريانة بتسيب بالامل
عد لينا قبال الخريف يرحل
يسيب ايامنا بتصيبه المحل
إمكن تطيب اشواقنا يوم
وتودي لي شوقك يصل
¤¤¤
لكن ياليل كيفن تعود تتحدي ليل
اسود ومن اغلا العهود رياد يسيل
كيفن تعود والليل بيتوسد ضفاير
حبي زي طفلا" صغير شايلنو شيل
إتغني بي حلو الاغاني
الطيبه راجيك من قبيل


انا والاشواق
كلمات السر دوليب
===========================

انا والاشواق فى بعدك
بقينا اكتر من قرايب
ما بنغيب عن بعض ابدا
زى اعز اتنين حبايب
كنت فاكر الشوق يغيب
لحظة واحدة عن فؤادى
مع الزمن يتلاشى وجدى
قلبى يسلا فى بعادى
وشوقى قال لى مستحيل
مرة يتحقق مرادى
ولازمنى ذى خلى الوفى
واصبح زى خلى الما بعادى
اى لحظة بعيدة عنك
و ضايعة من ايام زمانى
وكل يوم كلن لى فى قربك
اتمنى لو احياه تانى
وروحى لو غنيتا ليك ما
تصور كا اعانى
وحبى ابلغ من غناى وحبى
اسمى من المعانى
كم رسالة يا حبيبى بسطرا
اشكى ليك بالبعد يا ناسينى
واحلا كلمة منى ليك بضمنا
باغة من شوقى وحنيني
بين حروفا اشوف خيالك
وانت تتبسم لعينى
وقبل ما اختم كلامى
بتمنى لو ردك يجينى


كلمنى ياحلو العيون
كلمات التيجاني حاج موسى
== == === == = = ==

كلمنى يا حلو العيون
حيرنى صمتك ياحنون
كلمنى حاول حس بي ..
عاتبنى ارمى اللوم على
كلمنى والكاين يكون
****
بفرق كثير .. ويتحسب كل يوم يمر
بفرق كثير .. طعم الحلو لو يبقى مر
وتمر بي من غير كلام
ولا حتى بس همسة سلام
***
لو شفتى كيف مرو الليالي
حال المساكين الحيارة كأنو حالي
بتذكرك انا والشواطي مع العصارى
همسك وصمتك والنسيم ساري فى خيالي
بتذكرك انا والهواجس والظنون
***
كلمنى حاول حس بي
عاتبنى ارمى اللوم على
كلمنى والكاين يكون
كلمنى يا حلو العيون

عيونك ديل
كلمات اسماعيل حسن
--------------------------------

امسكى عليـك عيونـك ديـل امسكيهـن عيونـك ديـل
خليتنـى تــروح اتـفـك مــن شبـكـت عيـونـك ديــل
شيتن اصلو ما شفنـا لا فـى النـاس ولا فـى الريـل
ده مـا قـدر الله جــانا عــديل امـسـكـيـهـن
********
يتاوقـن لـى زى شـبـاك مـنـور فــى ظــلام اللـيـل
يـشـابـن لـى انـا الـغـرقــان انـا الـضـهـبـان
انـا الخايـف ذى القشـه ارجـف فـى مهـاور اللـيـل
عـلـيـك ذاتك امـسـكـى عـلـيـك عـيـونـك ديـل
*******
قليبى رهيف ما بقدر على الهباباى فى عز الصيف
قـلـيـبـى رهــيــف اذا شـديـتــى خـايـفــه يـقــيــف
قلـيـبـى رهـيــف بـشـيـش تـاتـيـه جـنــب الـقـيــف
شـتـن اصـلــو ماشـفـنـاه

حنيني اليك
كلمات السر احمد قدور
===========================

حنيني إليك وليل الغربة أضناني
وطيف ذكراك بدمع القلب بكاني
أقول ياريت زماني الفات يعود تاني
ألقاك يا حبيب عمري وتلقاني
تلقى الريد معايا لحظة ما نسيتك ولا نساني
وما بنساك وما بقدر ولا عايز بعد حبك أحب تاني
أهرب من خيال طيفك في عيني بلاقيهو
أعيش أيامي بالذكرى ألم أفراح أعيش بيهو
متين الليل يصافيني بنعود تاني من تاني
ألقاك يا وحيد عمري وتلقاني
تلقى الريد معايا لحظة ما نسيتك ولا نساني
حنيني إليك وليل الغربة أضنانيعشان خاطرنا - كلمات مصطفى سند

عشـان خـاطرنا خـلى عيـونك
الحلـوات تــخـاصــمــنــا
ولما تمرى ابقى اقيفى
واســــــــألى عـــــن مشـاعرنا
زمـان غنينــا لعينيك اغـــانى
تحــنن القــــاســـــيـــن
هـدينالـــك معذ تــنا مشـينا
وراك ســــنين و ســــنين
بنينــــالك قصــور بالـشـوق
فرشــنا دروبـأ بالياسمين
وقلنا عساك تزورينا ترشى
البعجه فى ساحتا بعينيك تضويها
حلاتك انت ماشـه براك شــايله
الدنــيا بازهــاراوبالفيها
زمان بارينا ضحكاتك لقينا
صداها جاى معــاك وجايينا
وحاتك تانى لــــم تفــوتــى
ابقـى اقيفى سالمى الناس وحيينا
كفايه علينا لما نشوف
بسيماتك تصـابحـنا و تمـاسـينا
عشان نتملى من عينيك عشان نلقى
الصباح مسحوريعاين لصباح خديك
جهرتى الدنيا يا غربتنا ياروعتنا
ما همـاك جــهـرتينا



سمحة سمحة الصيدة - كلمات عثمان خالد

سمحه الصيده ما جارتنا
بت حارتنا بنريدا
مرت بالروح زى نسمه
لوحة فنان جمال رسمه
بى لفته تسالم منقسمه
تسال عن غنيه جديده
يا حلاة خطواتك فى دربنا
تنعش حارتنا وتطربنا
الشوق من بدرى معذبنا
تايه لو يلقى جنى الصيدا
خايفين من ريدا زمان كنا
خايفين وحياتك ما قلنا
شوف العينين كيف نشوانا
مـلـيـانـا دمـوع بيـك فـرحـانـا

مين فكرك ياحبيب - كلمات السر دوليب

مين فكرك يا حبيبي مين الهداك اليا
جرحى قرب يطيب جددته تانى عليا
انا قولت حبنا راح مر الزمان وطواه
والباقى منة شجن وعذابنا فى ذكراه
لقيتة اكبر حب بين القلوب ماواه
ماقدرت يوم انساه ولا هان على اسلاه
لكنى رغم البين رغم الفراق الطال
كانت مشاعرى تقول ابدا فراقنا محال
ما ليا غيرك شريك ما ليك غيرى ماال
جمعت قلوبنا محبه ربطت حياتنا امال
يا حبيب كفانا خصامنا كفاناهم وضنا
ما بتقدر انت تلومنى وما بعاتبك انا
ما كان بيدنا شقا وما كان بيدنا هنا
حسد القدر فرقنا هو العلينا جنا

ماقلنا ليك - كلمات صلاح حاج سعيد

شوف كم زمن ما شلنا هم
ولا عشت يا قلبى العذاب
وسرحت فى ليل الشجون
ما عرفت لقلبك ماءاب
الحب طريق محفوف صعاب
وانت لسه فى اوله
ما رضيت كلامنا وجيت براك
اهو دا العذاب اتحمله
يا قلبى قالوا الحب عذاب
وافراحه حافيها الالم
قى ظله ما بنخشا المسير
فى صفاه ما بنفقد عشم
صدقنى مهما ليك ظلم ما
اظن حنان ه يبدله
ومرت سنين الشوق معاك
ولا هلا فى دنياك ربيع
عانيت جحيم الحب وفاء
قاسيت حلاوة الريد دموع
راضى وسعيد فى الويل
تضيع وتسيير طريق ما بتوصلو




وطيف ذكراك بدمع القلب بكاني






الرجوع الى أعلى الصفحة اذهب الى الأسفل
http://hiato_74@hotmail.com
ود تندلتي
نائب المدير العام
نائب المدير العام
avatar

عدد المساهمات : 17
نقاط : 30
تاريخ التسجيل : 24/06/2009
العمر : 24
الموقع : K.S.A

مُساهمةموضوع: رد: الاستاز محمد ميرغى   الجمعة ديسمبر 11, 2009 3:25 pm

مشكور علي الكلمات الجميلة الرائعة
الرجوع الى أعلى الصفحة اذهب الى الأسفل
 
الاستاز محمد ميرغى
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات تندلتي :: قسم الترفيه :: الغناء والموسيقى-
انتقل الى: